بقلم الشاعر: مبروك بن ماضي
يا ناس الأرجنتين مين / حنا عطيناهم اثنين / في فوز تاريخي ثمين / كلن بأم عينه رآه
خلوني اتفاءل كثير / وسقف الامل عندي كبير / المنتخب الأخضر خطير / كل الفرق تخشى لقاه
حنا لها حنا لها / مفاجأة ما مثلها / وما هو صعب نوصل لها / والمنتخب اثبت أداه
حنا الى العليا نتوق / ما يعوقنا للنصر عوق/ طبع السعودي دوم فوق / شامخ وعالي مستواه
حنا هزمنا المستحيل/ في فوز طعمه غير حيل / هذا الشرف ما هو قليل / له داخل العالم صداه
على ثالث مصنف نفوز / من حيث تاريخ وجهوز / كان الامر ذا ما يجوز / وخارت مع الأخضر قواه
مبروك يا أحلى منتخب / كسرت راس اعلى النخب / سويت في الدوح صخب / وفي حبك الجمهور تاه
