فاطمه الحربي
مع بداية الإجازة… وكأن الحياة تعطيك إشارة… تقولك: “يلا… غير… تحرك… سوي شي جديد!”
طول السنة… إحنا بين دوام، مسؤوليات، ضغط… حتى صار الروتين جزء من حياتنا غصب عنا.
لكن الحين… عندك فرصة تكسر هالروتين…
مو لازم تسافر… ولا لازم تسوي شي كبير…
حتى التغييرات البسيطة تصنع فرق…
• جرب هواية جديدة
• غير أماكن جلستك
• امشِ في مكان ما قد رحت له
• تعلم طبخة جديدة
• أو حتى… خذلك وقتك في الراحة بدون تأنيب ضمير
الفكرة مو في حجم التغيير…
الفكرة إنك تعطي نفسك إحساس “إنك بدأت من جديد”
خلك صريح مع نفسك… اسأل:
وش الشي اللي صارلي فترة مأجله؟
وش الفكرة اللي دايم أقول بعدين…؟
الإجازة هذي… خذها كفرصة…
رجّع لنفسك طاقتها…
واخلق لك بداية… حتى لو كانت بداية بسيطة…
الحياة قصيرة… والفرص مثل هذي… ما تتكرر كل يوم.
