هاشم بن علي الكاف
يا (جروح الأمس) فينا
عيّت أفراحه تجينا
زاد في بُعده انينا
عذّبينا
يالطيف الجرح يقسى
اصبح الجرح وامسى
يحكي آلام السنينا
ودّعينا
يادمعة العين الحزينة
هذا وقته وهذا حينه
احنا والله ما سلينا
عوّدينا
شوفةْ الوجه الصبوح
يا دِوَى كل الجروح
انت ياكل الحنينا
قنّعينا
أنت حبك أنت بس
جاوبيني لو بهمس
غير حبك مابغينا
أنت مينا
أنت مرسايَ وبحر
أنت يا أغلى البشر
من هواكِ ما اكتفينا
